السلام عليكم ورحمة الله وبركاته
والله انا مالي قدكم ماشالله عليكم طبخاتكم روووعة بس دخلت مجازفة بصراحة:o
ويارب تعجبكم اكلتي وهي عن جد لذيذة وسهلة بنفس الوقت

بسم الله نبدأ

_ اول شي منجهز الحشوة وهي عبارة عن لحم مفروم مغسول + كوبين رز مصري مغسول (( حسب كمية الحشوة )) + ملح وبهارات وكمون ناعم وايضا القليل من الكمون الخشن وملعقتين كبار زيت او ملعقة سمنة وهي النتيجة

http://www.3roos.com/uploder/uploded20080901/73132/01227419346.jpg

وطبعا منكون حافرين الكوسا وغاسلينها منيح وكمان مخططينها اذا بتحبو انا بحب اخططها بالقشارة مثل الشكل بالصورة حتى تعطي شكل حلو وهي الكمية كاملة

http://www.3roos.com/uploder/uploded20080901/73132/31227419346.jpg

وهي كمية اصغر للتوضيح

http://www.3roos.com/uploder/uploded20080901/73132/11227419346.jpg

وبعدين منبدأ بحشي الكوسا بالحشوة اللي عملناها فوق ونصيحة دائما خليها ببالك عند حشي اي شي لا تحشي مثلا الكوساية الى فمها لااااء خللي مسافة نصف اصبعك الخنصر فاضي حتى ماتتفزر عند النضج ... وهي النتيجة

http://www.3roos.com/uploder/uploded20080901/73132/21227419346.jpg

ولبين ماتخلصي الحشي حطيت انا القدر (( الطنجرة :o)) على النار وفيها كمية من الماء بتناسب كمية الكوسايات وبس تغللي المي

http://www.3roos.com/uploder/uploded20080901/73132/51227419346.jpg


منضيف للماء المغلية بكيتين من رب البندورة (( معجون طماطم )) حسب الرغبة المهم انها تكون المرقة الناتجة ثقيلة لانها تطلع الذ واطيب بالاضافة للملح والقليل من البهار تطلع الذ
وهي النتيجة

http://www.3roos.com/uploder/uploded20080901/73132/61227419346.jpg

وبعدين منبدأ الاجرام الشامي هههه ومنرمي الكوسايات بالمسبح بقصد بالقدر ههههه

http://www.3roos.com/uploder/uploded20080901/73132/71227419346.jpg

وبس منخليهم يغللو ويستوو (( ينضجوا )) على نار هادية ومنغطي القدر لنتائج افضل

http://www.3roos.com/uploder/uploded20080901/73132/01227420489.jpg


بهالاثناء منكون داقين اربع الى خمس فصوص ثوم + نعنع ناشف وعصير ليمونتين في ناس بتحط للثوم والنعنع حمض الليمون لانه يحمض الاكل اكثر وانا بصراحة عادة استخدمه في حال ماتواجد ليمون وهي الصورة للتوضيح

http://www.3roos.com/uploder/uploded20080901/73132/81227419346.jpg

ومنضفلهم شوي من مرقة الكوسا ونخلطهم واهم شي بهالخلطة الصغيرة الحمض اهم شي وانتو وحسب حبكم للاكل الحامض مو كتييير بس وسط لان الاكلة تطلع الذ

http://www.3roos.com/uploder/uploded20080901/73132/91227419346.jpg


وبس تنضج الاكلة وتخلص ونتأكد من استواها تماااام قبل لا نطفي بدقيقتين منضيف عليها خلطة الثوم وبعد دقيقتين ثلاث نطفي عليها وانتهت الطبخة

http://www.3roos.com/uploder/uploded20080901/73132/11227420489.jpg


وهيك خلصت طبختي وان شالله تعجبكم يااارب:confused::o

وهي النهاية وبالعافية على قلوبكم اتفضللوا

http://www.3roos.com/uploder/uploded20080901/73132/21227420489.jpg


وطبعا نحنا الشوام منعملها عادة كل شي مع بعض بقصد كوسا وباذنجان ويقطين وكللوا مع بعض ينطبخوا بس انا زوجي مايحب الا الكوسا وانا مثله ههههه

وصحتين والف هنا يااارب



المصدر... (http://www.3roos.com/forums/t403397.html)